Il model da la cuntrada topografica TLM da swisstopo cuntegna objects che represchentan il maletg da la cuntrada, sco p.ex. edifizis, vias ed auas, e furman la basa per crear las cartas naziunalas. TYDAC ha creà sin basa da quest model in’atgna carta che po vegnir duvrada sco carta da basa per applicaziuns multifaras.
Plivalur: carta da qualitad

Il model da la cuntrada topografica TLM da swisstopo cuntegna era tut las inscripziuns da las cartas naziunalas. Nus avain fatg dus stgalims d’inscripziun, in en nair ed in en mellen. L’inscripziun melna è fitg nizzaivla per s’orientar en maletgs or da l’aria.
Plivalur: orientaziun en maletgs or da l’aria

swisstopo metta a disposiziun infurmaziuns davart las autezzas sco swissALTI3D, in model digital davart l’autezza dal terren, swissSURFACE3D, in model che preschenta tut ils objects natirals ed artifizials da la surfatscha da la terra (p.ex. edifizis e plantas). I dat er products derivads sco l’inclinaziun e la reliev. TYDAC ha construì intgins products derivads sco l’inclinaziun en pertschient e lingias altimetricas cun intervals da fin 0,5 m.
Ultra da quai pon ins consultar en mintga punct dal pajais l’autezza da swissALTI3D e swissSURFACE3D.
Plivalur: products derivads, pussaivladad da dumandar datas (sin dumonda)

Questa collecziun da maletgs da swisstopo cumpiglia var 500'000 maletgs analogs or da l’aria (en colur, en infracotschen u alv e nair) e maletgs dal terren. Var 320'000 maletgs èn munids cun coordinatas dal punct central dal maletg, cun la part dal fund cuvrida respectiva (footprint) e cun infurmaziuns da meta.
Plivalur: integraziun

Il register dals edifizis e da las abitaziuns (REA) cuntegna datas da basa davart ils edifizis e las abitaziuns. Mintga edifizi ed abitaziun ha in numer d’identificaziun cler (EGID) da tut la Svizra sco er in’adressa, vischnanca e chantun. Nus avain cumplettà las datas cun l’autezza. Las singulas adressas èn ultra da quai colliadas cun l’inscripziun uffiziala dal REA.
Plivalur: Integraziun, pussaivladad d’enquista da datas (sin dumonda)

Il register dals edifizis e da las abitaziuns (REA) cuntegna infurmaziuns davart projects da construcziun, edifizis, abitaziuns, entradas d’edifizis e vias. Las datas mussan en furma grafica il sistem da stgaudar (colur) ed illustreschan la funtauna d’energia/chalira dal sistem da stgaudar il pli effizient. Igl è impurtant da resguardar il stadi da las datas, cunquai ch’intginas datas derivan da la dumbraziun dal pievel da l’onn 2000.
Plivalur: integraziun, pussaivladad da retschertgar datas (sin dumonda)

hike.mapplus.ch è nossa nova plattafurma-outdoor per la stad e l’enviern ed unescha las datas da swisstopo e SvizraMobila: sendas e rutas da viandar, trajects da velo, da mountainbike e da skating. Unica è l’elavuraziun da rapports da PDF, la generaziun automatica da profils e la visualisaziun dinamica da las autezzas.
Ultra da quai stattan a disposiziun infurmaziuns supplementaras sco tavlas da viandar, bloccadas da sendas, gastronomia, alloschis e.u.v.
Plivalur: integraziun da datas da sport

Lieus da telefonia mobila: 3G, 4G u 5G? Quant pussantas èn las antennas? Tut en in’egliada! Las datas derivan da l’Uffizi federal da communicaziun UFCOM e vegnan actualisadas mintg’emna, damai adina actualas. Igl è era interessant da savair ch’ils singuls simbols consistan da maximal 124 parts!
Plivalur: tip tip d’antenna da telefonia mobila e prestaziun d’emissiun

Nus actualisain mintg’emna las datas da posiziun e da basa e las colliain cun ils uraris publics dal ÖV Plus. En in’egliada vesais Vus las proximas colliaziuns disponiblas. En cumbinaziun cun Shared Mobility che porscha ina visualisaziun en temp real dals meds da transport disponibels sco autos Mobility, velos, scooters etc., survegnis Vus ina survista singulara da Voss viadi cun meds da transport publics.
Plivalur: integraziun da datas da pliras funtaunas

L’inventari dals maletgs dal lieu da la Svizra (ISOS) degns da vegnir protegids, designescha e documentescha ils maletgs dal lieu ils pli prezius d’impurtanza naziunala. El permetta d’encleger l’istorgia e l’identitad dals lieus ed è pia ina basa impurtanta per il svilup d’abitadis da qualitad.
Plivalur: integraziun optimala